Contoh Biantara Sambutan Ketua Pelaksana

Assalamu'alaikum wr.wb                          Oge teu hilap ngucap salam urang sunda: sampurasuun.... ! (Biasana dijawab hadirin ku basa sunda deui: rampes..!)            Duh....asa ku endah mun sakantenan terang hartosna, naon ari sampurasun, nya kitu deui naon ari rampes teh. Keun..eta mah bahaseun mangsa nu bakal datang. urang tataros heula.               Para wargi nu sami hadir....                          Pamugi kersa ngama'lum wireh pribados nyarios teh minangka ketua panitia, sanes agul -teu pisan2, ieu mah etang2 diajar biantara bae salaku panitia.           Langkung tipayun ngahaturkeun nuhun ka para peserta latihan. Oge sakantenan nyuhunkeun hampurana (maaf), bilihna di awal dugi ka ahir latihan teu : genah, merenah, tumaninah, jauh kana maksud jeung tujuan latihan. Kukituna oge ieu teh sami ajang latihan keur pribados oge rengrengan panitia sanesna. Hatur punten....                       Para peserta....             Ieu latihan teh nganggo tema : The winner Never Stop Trying. Pisundaeunana kira2: jalmi anu pinunjul mah teu pernah liren tina ngalaksanakeun latihan/percobianana. Boh hiji pasoalan atawa rupa2 masalah liana.      Latihan / percobian teh kadituna janten pangalaman. Apan guru anu utama teh nya eta nu kasebut pangalaman tea. Pangalaman teh milik pribadi, tur bisa maslahat pikeun anu sanes.                        The winner teh apan pinunjul, nu unggul, pemenang. Atuh pantes  bae eta nu unggul mah janten pemenang. Nu janten pinunjul mah teu pernah liren latihanana, kalayan : titen telaten, aktif kreatif, sabar teu bosenan. Maju terus pantang mundur.          Para wargi.....              Mangga urang sami2 ngalap mangfaat tina latihan ieu. Mugi janten jalan kasaean, kanaslahatan, tur kasalametan ka sadayana. Mugia Allah Swt. Masihan ridoNa kana kagiatan latihan ieu. Amiin.                  Teu kilap, ngaturkeun nuhun ka Bp, Ibu guru pembimbing anu ngaping ka ieu latihan.       Sakitu nu kapuhatur, wilujeng......             Wassalamu'alakum wr wb.

BIANTARA MIELING TUJUH BELAS AGUSTUS

Mieling Tujuh Belas Agustus

    Assalamualaikum Wr. Wb

      

      Alhamdulillahirrobbil’alamiin wabihisnata’in wal’umurudunya Waddin Wa’ala aliihii washohbihhi ajma’in 

  Alhamdulillah wasukurillah, puji sinareng sukur urang sanggakeun ka gusti Allah SWT anu parantos masihan kasempetan kaurang sadaya kanggo ngariung di tempat iyeu . solawat sinareng sallam mugia di lungsur langsarkeun ka Junjungan Alam kanjeng Nabi Muhammad SAW, sareng ka kulawargina, sohabatna, tabi'in Tabiatna sareng teu hilap deui ka urang sadayana nu Insya Allah kenging Syafaat di Yaumul Qiyamah Aamiin                                                                                                                                                          

   Ngadegna sim kuring didieu dina waktos ieu di payunen bapak guru, sareng réréncangan badé ngaguarkeun téma ieu biantara anu judulna 17 Agustus nu ka 70. Nembe saababaraha dinten kapengker, sasih Agustus parantos kalangkng.tangtos ditiap sasih Agustus, tepatna kaping tujuh belasna, pikeun urang bangsa Indonesia, kaping eta teh dipieling Hari Kemerdekaan Indonesia.

     

     Ti kawit nu dilaksanakeun di istana naragara, dugi katingkat propinsi, kabupaten, oge kacamatan: rame tur serempak, di wilayahna sewang-sewangan. Dihadiran ku sadayana kalangan, ti kawit: kapala (pupuhu), dugi ka bawahanana, birokrat, aparat, tokoh masyarakat, tokoh adat, pamuda/pamudi, guru, mahasiswa, pelajar, campur ngahiji ngiring upacara tujuh belas Agustusan.

     

    Naon atuh ngaalantarkekun janten mahnit,dugi ka tiasa hidmatdina ngalaksanaken upacara tujuh belas agustusan teh. Anu tangtos mah urang sadaya mihurmat, masihan ajen ka para pajuang, sareng pahlawanna. Kusabab anjeuna , kusabab jasa para pajuang, Indonesia  tiasa merdeka, anu kiwari tos dipieling anu ka 70.

     

     Para Wargi.........

    Ayeuna patarosan (pertanyaan) : Saha ari para pejuang teh, saha ari para pahlawan teh?. Waleranana (jawabanya) saha wae, ti sagala pihak anu memang bajuang (berjuang), tina widangna masing-masing pikeun Kamerdekaan Nagrina (negaranya) INDONESIA. “Heug nyawa-kadieukeun kamerdekaan”. Tegesna nu gaduh tekad kuat: merdeka atau mati

   

    Diantawisna, kasebat-sebat tokoh politik oge plokamator: Ir. Soekarno, Dr. Mohammad Hatta, anu dirojong (didukung) ku tokoh-tokoh di tiap-tiap daerah, utamana pamuda/pamudi, tentara (TNI), teu Ngawujudkeun hiji tujuan, nyaeta Indonesia Merdeka.

      

    Saderek sadaya.....

    

    Naon ari merdeka teh?

    Merdeka teh saurna BEBAS.

     Bebas naon-nana? Mun diwincik diwiji-wiji, geuning seueur pihartoseunana, gumantung kana persepsina bae.

   Cobi mangga tingali teks Proklamasi Kamerdekaan Indonesia :

  

  Kami bangsa Indonesia dengan ini menyatakan kemerdekaan Indonesia, hal-hal yang mengenain pemindahan kekuasaan dan lain-lain, dilaksanakandengan cara seksama dan dalam tempo yang sesingkat-singkatnya.

Jakarta, 17 agustus 1945

Atas nama bangsa Indonesia

Soekarno-Hatta

  

    Nu dimaksud Merdeka dilihur bieu mah, hasil para pahlawan teh nya eta merdeka tina hal kadaulatan bangsa jeung nagara Indonesia ti penjajah nagara asing. Secara politk, urang ngagaduhan wilayah nagara, ngagaduhan pamarentah,  tur diakui ku nagara-nagara sanes di dunia. Jadi weh kasebut merdeka.

    

    Para wargi.....

    

    Tapi, naha gening mieling Proklamasi kamerdekaan teh hidmatna ngan ukur di tempat upacara bae?

    

    Salajengna mah gening seueur dieusi ku hiburan, oge lomba-lomba tradisional, saperti : naek pecung, lomba balap bakiak, lomba emam kurupuk, balap kaleci dina sendok, balap karung, jeung sajabana. Naha eta ge tiasa dilebetkeun ngareuah-reuah 17 Agustusan deuih?

    

    Boa-boa merdeka kaleungitan makna? Upami enya kitu, apan teu nyambung dibandingkeun sareng para pahlawan bajuang sehidup semati, ayeuna ukur dieusi ku hiburan, tur jadi kaulinan nu pikaseurieun?

   

   Ku rupi patarosan kitu, asa dipibuutuh jejer anu angger, tur keker, sangkan bisa ajeg tur panceg,teu nyimpang, kana maksad mieling kamerdekaan tadi tea. Tapi, sakali deui saha anu kedah janten jejer teh?

    

    Wargi sadaya.

     

    Aceh......  apan urang sarerea masih gaduh keneh pahlawan,sok sanaos kasebat pahlawan tanpa jasa, nya eta Bapa sareng Ibu Guru. Tah... ieu pisan anu janten jejer teh.

   Atuh urang salaku pelajarna, piraku kudu minculak, ngarasula, teu ngagugu-teu niru ka Bapa jeung ka Ibu guru. Apan guru teh kedah digugu sareng ditiru.

    Kanggo ngeusi kamerdekaan pikeun pelajar mah, kedah tetep soson-soson milari elmu. Saur sepuh : milari elmu teh wajib hukumna, ti kawit lahir dugi ka bade maotna. Oge hiji perkara dipasihkeun ka sanes ahlina, antosan weh ancur-leburna.

    

      Ku kituna, kirang langkungna, nyuhunkeun dihapunten, sakitu nu kapihatur.

    

Wassalamu’alaikum wr. wb.

Nama: Hadi Alwani

Kelas X Mipa 6 SMA Negeri 1 Subang